რონდელის ფონდმა, უკრაინისა და ესტონეთის საელჩოებთან თანამშრომლობითა და ფრიდრიხ ებერტის ფონდის მხარდაჭერით, 2025 წლის 24 თებერვალს ჩაატარა ღონისძიება, რომელიც მიეძღვნა უკრაინაში რუსეთის სრულმასშტაბიანი შეჭრის მესამე წლისთავს.
ღონისძიება მოიცავდა დისკუსიას, რომელშიც მონაწილეობდნენ პაველ ჰერჩინსკი, ევროკავშირის ელჩი, გარეტ უორდი, გაერთიანებული სამეფოს ელჩი, პეტრ კუბერნატი, ჩეხეთის ელჩი, მარგე-მარდისალუ კაჰარი, ესტონეთის რესპუბლიკის ელჩი, მარინა იაროშევიჩი, უკრაინული პრიზმის ბრიუსელის ოფისის ვიცე ხელმძღვანელი, სტეფან დე სპიგელეირე, ჰააგის სტრატეგიის ცენტრის წამყვანი მკვლევარი, საიმონ ვაისი, FES ROCPE-ს უფროსი მკვლევარი და ალექს პეტრიაშვილი, რონდელის ფონდის უფროსი მკვლევარი.
დისკუსიას უძღვებოდნენ ეკატერინე მეტრეველი, რონდელის ფონდის პრეზიდენტი და გიორგი ბადრიძე, რონდელის ფონდის უფროსი მკვლევარი.
ღონისძიების ფარგლებში ნაჩვენები იყო ორი დოკუმენტური ფილმი: ჩერნობილი 22 და წვიმის შემდეგ: პუტინის მოტაცებული ბავშვები შინ ბრუნდებიან.
