2020 წლის 17 ივლისს, „ეროვნული უსაფრთხოებისა და საჯარო პოლიტიკის პროგრამის“ 2018-2019 წწ.-ისა და 2019-2020 წწ.-ის სასწავლო კურსის დახურვისა და სერტიფიკატების გადაცემის ცერემონია გაიმართა. ღონისძიებაზე სიტყვით გამოვიდნენ რონდელის ფონდის პრეზიდენტი ეკატერინე მეტრეველი და აშშ-ის ელჩი საქართველოში მისი აღმატებულება კელი დეგნანი.
„ეროვნული უსაფრთხოებისა და საჯარო პოლიტიკის პროგრამას“ რონდელის ფონდი ამერიკის საელჩოს ფინანსური მხარდაჭერით 2001 წლიდან ახორციელებს. სასწავლო პროგრამა ფარავს ეროვნული უსაფრთხოების, საჯარო პოლიტიკის, ეკონომიკის, თავდაცვის, სტრატეგიული კომუნიკაციის, საგარეო პოლიტიკის საკითხებს და სხვა მნიშვნელოვან თემებს.
2018-2020 წლებში პროგრამაში სამთავრობო სექტორის, არასამთავრობო ორგანიზაციებისა და მედიის სულ 63 წარმომადგენელი მონაწილეობდა.
