2014 წლის 24 ივლისს საქართველოს სტრატეგიისა და საერთაშორისო ურთიერთობების კვლევის ფონდს ესტუმრა დიდი ბრიტანეთის პარლამენტთაშორისი კავშირის დელეგაცია. დელეგაცია, რომლის შემადგენლობაშიც იყვნენ თემთა პალატის წევრები: მარკ რეკლესი, ჯონათან ჯანოგლი, გორდონ მარსდენი და მეგ მანი, ასევე ლორდთა პალატის წევრები: ლორდი ჰავორთი, პენტრეგართის ლორდი ჰარისი და სენდვიჩის გრაფი, შეხვდა ალექსანდრე რონდელს, საქართველოს სტრატეგიისა და საერთაშორისო ურთიერთობების კვლევის ფონდის პრეზიდენტს, კახა გოგოლაშვილს, საქართველოს სტრატეგიისა და საერთაშორისო ურთიერთობების კვლევის ფონდის უფროს მეცნიერ-თანამშრომელს და რევაზ გაჩეჩილაძეს, საქართველოს ახლადდანიშნულ ელჩს დიდი ბრიტანეთისა და ჩრდილოეთ ირლანდიის გაერთიანებულ სამეფოში. შეხვედრის თემა იყო საქართველოს საშინაო და საგარეო პოლიტიკა.
