2018 / 11 / 19
19 ნოემბერს რონდელის ფონდმა უმასპინძლა არაბთა გაერთიანებული საემიროების ეროვნული თავდაცვის კოლეჯის წარმომადგენლებს. დელეგაციას შეხვდნენ რონდელის ფონდის უფროსი მკვლევარები ვალერი ჩეჩელაშვილი და შოთა უტიაშვილი და ასევე, საქართველოს ატლანტიკური საბჭოს ვიცე-პრეზიდენტი ბათუ ქუთელია.
საინფორმაციო შეხვედრის მიზანს დელეგაციისთვის საქართველოს გეოპოლიტიკური მნიშვნელობის შესახებ, ასევე ეკონომიკური, სამხედრო და უსაფრთხოების მიმართულებით ქვეყანაში არსებული ვითარების გაცნობას წარმოადგენდა.
